<?xml version="1.0" encoding="UTF-8"?><song><author>Radaniela</author>
<title>Ry Jehovah, Ray Mpahary FFPM276</title>
<lyrics>[V1]
 Ry Jehovah, Ray Mpahary
 Sy Mpamelona anay,
 Tsapanay fa tsy manary
 Hianao Mpitondra anay ;
 He, mandrotsa-pitahiana
 Sesehena Hianao,
 Ka dia feno fifaliana
 Izahay mpanomponao.

[V2]
 Noteneninao ny tany,
 Notarihinao izahay,
 Ka nitobaka aoka izany
 Izao ny vokatra azonay.
 Feno hika isan-taona
 Ny fitiavanao anay,
 Ka aoreno tsy ho foana,
 Tompo ô ! ny asanay.

[V3]
 O ! mba raiso re, ry Tompo,
 Izao fanatitray izao ;
 Enga anie ka mba hitombo,
 Handrosoan'ny hanitrao.
 Raiso koa sy hamasino,
 Ny fonay hiasanao ;
 Ny Fanahy ampidino
 Hampahery, hanavao.</lyrics>
<hymn_number>276</hymn_number>
</song>